仙拚仙ê文化

■ 李勤岸

仙拚仙，結果拚死猴齊天。真悲哀，kám 是？連本猴齊天會tàng發揮七十二變ê，結果尾仔煞拚拚死。愛拚才會贏，kám有影？仙拚仙ê 文化，害咱不但b贏，koh會輸kah忝忝[thiàm,慘]；仙拚仙，不但b-tàng雙贏，根本都無人會贏，根本是雙輸ê局面。

若是仙惜仙，仙仙相惜，大仙ê惜細仙ê，細仙ê疼大仙ê─大家團結、共同合作，腳倉頭kng做夥，手牽手、心連心，鬥陣來kap妖魔鬼怪車拚，按呢就khah有贏面。

台灣文學系才成立無幾冬，已經開始仙拚仙ah。成功大學台灣文學系頂個月為著爭取系館，師生giú布條仔抗議，t 網路發起連署；這個月因為博士班招生，做台語文學ê學生無人考tiâu，引起真大ê風波。

頂個月ê行動就是仙惜仙，有希望拚死牛魔王；這個月ê 代誌就是仙拚仙ah，結果台灣文學這隻猴齊天穩當會拚拚死。

母語文學無管t創作抑是研究攏猶真細仙，若是無beh k疼惜，k栽培，伊生存ê空間，h³伊生長ê機會，抵[tú,剛]開始tioh叫伊kap華語文學公平競爭，講按呢號做接納母語文學ah，h³母語文學機會ah。這tioh假那叫一個紅嬰仔giah劍去kap大人相thâi，kám講這嘛叫做h伊機會？

文明社會攏會曉對弱勢團體抑是性別採取名額保障ê措施，為何咱b-tàng對待母語文學嘛用這款態度？（作者為詩人、世界台灣母語聯盟總召集人，用聽ê請上網 http://khinhoaN.taibun.tw/）