關掉 關掉

■ 普拉雷．阿炎

南迴鐵路反車（翻車）案，越南婦仁人陳氏紅琛e老母及母舅來台灣，竟然去hou（被）電視台私下chhoa（帶）去隱密e所在。雖罔（雖然）電視台講是in（他們）出錢，in有「使用權」。呣閣（不過）咱真懷疑，in是teh採訪新聞抑是搬演新聞。

斯當時，干單有（只有）無線e三台電視台e時陣，每天所報e新聞有限。新聞內容較客觀，袂甚麼離譜。今仔日e電視新聞台佇台灣這個小小e島國內，講實在有較多koh有較離譜。猶閣是24點鐘無soah（停）e報導。為tioh收視率，為tioh生活，記者無搬演新聞袂soah tit（沒辦法）。新聞烏白choann（亂講），烏白演，有可能閣害死人。

頂月日（上個月）有人發起關電視機e運動，這是觀眾e抵制，值得o-lo（贊成）。設使e-tang（可以）完全棄撒電視猶閣khah讚。講實在，阮茨已經18年無看電視ah。阮茨e電視機是20外年前買e，干單會當（可以）看三台無線台若定（而已）。即ma（現在）猶閣lu佇（閑置）壁角teh chhai（放置）花盆。

（作者為西拉雅族，台灣羅馬字協會監事）