台灣ｅ歌

■ 李貞

細漢e時，父母教阮念一寡台語童謠、歌曲，到今猶擱記甲真清楚，奇怪的是遮（zia）e歌謠攏無地聽、無地看，親像石沉大海，足毋甘。好佳哉，即馬我有機會欲共（ga）遮e寶石撈起來，送到小朋友的面前，親手教 念唱，現在已經有淡薄仔效果了。

清明節彼日，請兄、嫂、姊、弟（我是么妹）等一行zia（將近）十名來阮兜食潤餅，逐家那食那開講，擱那唱歌，真心適（有趣）。七十幾的大兄、大姊唱一首古早的台語歌「咱台灣」，有的歌詞袂記矣，後來汝一句，伊一句，總算共歸首歌詞鬥起來了。彼時陣我大聲講：「迹爾（這麼）讚、好聽擱有意義的歌，我一定欲教學生唱！」

這首歌「咱台灣」原來是日據時代蔡培火先生所作，我真想欲共歌詞寫出來佮逐家分享：

台灣，台灣，咱台灣，海真闊，山真懸（gun）。大船小船的路關，遠來人客講汝?，日月潭，阿里山。

草木不時青跳跳，白鴒鷥，過水田，水牛跤脊（ka ziah）烏秋叫，太平洋上和平村，海真闊，山真懸。

心內有一個足?的夢－－向望無偌久了後，「咱台灣」這首歌，咱全國無論囝仔大細攏會曉唱。若欲揣（cue，找）一首合軀（hah-su）e台灣新國歌，這嘛是袂 （不錯）e選擇。（作者為閩南語代課老師）