台灣人 免驚

■ 張復聚

阿扁a總統這遍出國，台北及華府對行程看法無仝，chhiau（協調）未好勢，中國派媒體就趁機會修理政府。in按呢做，罵阿扁a總統是手段、phah（打）台灣、hou台灣人對台灣失去信心才是聯合中國e目的！

四月底，前美國太平洋軍區司令布萊爾上將有來台灣參加漢光演習兵棋推演，協助整合台灣三軍聯合作戰（就是C4ISR及飛彈防禦）；閣頭一擺公開發言，講「中國不可能以武力統一」。這是挑工放e政治訊息，hou中國知影美國會堅定支持台灣防衛。閣有，五月初，美國及日本兩國外交部長及國防部長佇華府舉辦安保會談「二加二會議」，真清楚顯示台海和平是兩國e戰略核心；因為台灣戰略地位實在有影有夠要緊，in未當無ka台灣鬥相仝（幫忙）！台灣若hou中國sut去（併吞），美國及日本甚至加拿大e經濟真可能會mi-mi mau-mau（崩塌）！軍事、政治ma會li-li lak-lak（岌岌可危）。這牽涉著美、日基本利益及戰略價值e立場，無可能受著最近e台美「答嘴鼓」改變！

台灣人，你著心頭掠ho定，免驚！免驚！勇敢向前行。骨力保持、發展家己e語言文化，先尊重家己，別人才會尊重你！

（作者為醫生）