台語軍歌

■ Babuza

「中華民國」目前ｅ統治範圍干單chhun（剩）台澎金馬若定。所以國軍存在ｅ意義就是為beh保護即ｅ地區ｅ人民。目前即ｅ地區實際主要頭家（超過三十五歲者）絕大多數人逐日使用ｅ語言就是台語，這是常識。

國軍ｅ軍歌絕大多數攏是永過國民黨佇中國寫hou中國軍人唱ｅ；照道理講即馬應該攏總廢除，完全改做適合台灣社會文化、人文歷史ｅ歌才著！民進黨政府ｍ敢嘛無才調按呢做，hou人真失望！

國民黨馬英九為著二○○八年總統選舉，開始假仙講伊嘛愛台灣，即兩工佇美國講台灣人已經會當家己選總統、選國會議員，koh會當管理家己ｅ事務，意思是台灣已經是獨立ｅ國家lah。

聽講伊已經受著足濟台灣人歡迎及支持，那像二○○八年總統選舉伊穩贏lah！害我實在足煩惱，煩惱到未食未睏！

好佳哉！國民黨立委洪秀柱佇立法院反對台語軍歌ｅ表演真傑出，有chhoa頭（帶頭）開始「反助選」ｅ效果！按呢足讚。

洪立委加油！感謝！（作者為彰化縣平埔族囝孫）