烏龍旋桌

■林仙龍

陳由豪先生講他去過總統官邸，陳水扁總統講絕對無此項代誌，一件代誌一邊講一種，大家聽得紛而亂撩（hoe1-li2-lok8-niau1：紛亂沒有頭緒），不知到底誰講的是實話。

牽涉到此件代誌的沈富雄先生，人講頷頸仔（am7-kun2-a2：脖子）生瘤----抵著矣（tu2-tioh4-a7：碰到了），只好出來講話，以前講四種可能，近來又提出五種可能，大家依然（iu1-jian5：仍然）聽也舞傞傞（bu7-sa3-sa3：亂七八糟），有講若無講咧，代誌也是含糊未清楚。

聽講含糊是一種藝術，政治人物講話做事上愛含糊，因為含糊就蔑死定定（be7-si2-teng7-teng7：不會死板沒有變化），就有伸縮，就有轉旋（tng2-seh4：靈活變化），也較有法度得到好處抑是閃避災禍。大概是因為焉爾，有一寡代誌屆今猶含糊未清楚，比如講推行台語教學，拼音符號到底欲採用何一種，是教會羅馬音？TLPA？抑是通用？國際音標？一件小代誌，教育部就是無法度做決定，屆今猶更含糊未清楚。

政治人物講話含糊未清楚，南部有一種特別的講法，叫做「烏龍旋桌（oo1-liong5-seh8-toh4）」，此四字實在誠困難解釋，雖然自於（合讀為chui5）「烏龍」合「旋桌」此兩個詞，若像會當體會一些仔（chit8-su1-a2：一點點）意思，不過真正的意思是啥？大家也是含糊未清楚。

不過，若講「烏龍旋桌」應該寫做「胡亂說道」，大概大家就誠清楚，一點仔都蔑含糊。

（作者為台語文字工作者）