台灣時代來了

■ 周敦人

日本統治台灣50年。這段時期咱叫「日本時代」。國民黨管轄台灣55年。這段時期是「中國時代」無錯。但「台灣時代」在2000年已經出世；雖然chiah[才]滿六歲nā-tiāⁿ[而已]，一定會食到萬萬歲！

泛藍無所不至吵beh倒轉去中國時代，但是台灣人民m̄願an-ni做。時代已經改變，請咱大聲用嘴來hoah[喊]，用手來寫「台灣時代」這句話，尤其面對「罷免」kap「倒閣」ê聲勢koh-khah ài hoah khah大聲來確立自信，穩定民心。

民主政治ê腳步m是真緊，也無時常行在平坦ê路。但是咱相信民主制度是唯一會tàng hō[讓 ]台灣向前行ê路，咱bē-sáitithō時代倒退行。所以，現在最要緊是在tak所在tak時陣來hoah「台灣時代」這個口號，hō伊傳佈到tak-ê地區，hō咱心連心來認同台灣，手牽手來支持本土政權，koh進一步來hō泛藍成做永久ê在野黨。

日本時代kap中國時代都攏行入歷史lah，台灣時代已經出世。咱已經活tī台灣時代，這是咱ê時代，好phaiⁿ攏是咱ê。請咱來寶惜伊，也將伊一代一代傳落去，直到永世代！

（作者為旅美退休心理學家，用聽ê請上網 http：//LT.taibun.tw）