教育台灣化

■ 張復聚

陳總統引用「罄竹難書」事件，真清楚點出台灣人hō中華文化殖民終其尾無法度走閃（避免）ê結果--用「中華牌」ê語言、文化、思想kap價值做標準來kä台灣人稱斤兩（衡量價值）！

平平beh表示真濟，台語會使得講“卡濟過天星、phëng（比）貓仔毛卡濟”，抑是布農族ê話“像káu蟻（螞蟻）hiah濟”，這是台灣人ê成語，敢會輸「罄竹難書」？

若是借後殖民論述開山祖薩伊德（Edward Said）ê嘴來講，就是按呢：「台灣人是中華文化殖民體制內ê“客體、他者”，bë當（不能）用家己ê語言文化來講出家己ê意見、g望（期待）、歡喜kap傷悲，干單會當bih-bih chhih-chhih（無自信地）恬恬（無聲無息）thèng候（等待）中華文化來kä描寫、研究、批評、戲弄、消遣，甚至解剖、控制、處罰kap改造！」雖然台灣文化有原住民、漢文化、日本kap近代西方等真濟文化成分，-kú佇眼前政治、教育、大眾媒體ê「致蔭」下，台灣人干單會當接受「中華牌」ê文化霸權若定。「中華化」ê台灣人kiöng beh（快要）變做「中華人」lah！台灣人ê嘴舌已經是家己ê（bë曉家己ê母語）、頭殼mä 是家己ê（受殖民教育灌輸思想kap價值觀），按呢beh按怎替家己講話、替台灣人求利益kap幸福leh？

佇chia（在這裡）beh呼籲陳總統kap蘇院長大力支持教育部杜部長繼續教育台灣化、母語教育普遍化ê政策！hō台灣人趕緊「台灣化」！

（作者為醫生、台灣南社台灣母語組組長）