兩岸是甚物

■張復聚

新潮流決定beh設立「兩岸政經學會」，前行政院秘書長劉世芳閣講「絕非出於政治考量」。這是ka台灣人看做囝仔，瞞別人、騙家己。

代先，甚物是政治？政治敢m是咱大家e代誌？「兩岸政經學會」及咱無治代？真清楚，及大家攏有關係，所以絕對是有政治考量。

閣來，為何無beh叫做「台、中（兩國）政經學會」？「兩岸政經學會」e「兩岸」是甚物意思？表示民進黨嘛承認「九二共識一中原則」？抑是新潮流無閣再屬於民進黨？若是按呢，我足驚新潮流有一日會成做台灣e毒瘤（作者為醫師）