〈桐花樹下〉台客西進

■陳寧貴

台客沙鼻西進，

降低反分裂法衝擊中國，

台客沙鼻反軍購，

降低美國防衛台灣意願，

恁樣無利益台灣事情，

仰會有人拍手喊好？

台客沙鼻西進，

毋敢喊共產黨萬歲，

淨敢喊共產黨千歲，

毋敢講民主主義，

淨敢講自由主義，

一隻腳踏北京，

一隻腳踏台北，

僥想吸收兩片利益，

講別儕係歕雞頦台灣青年，

自家同佢實在係半斤八兩，

指桑詈槐真奇怪，

有食有掠最暢快！

佢等頭那分祖國燒壞忒，

幻想自家盡偉大，

想愛打著紅旗反紅旗，

事實中國單淨愛佢等：

投誠同歌頌！

講三道四低調吹捧，

麻辣變甜不辣全無彩工，

中國看佢等，

無過係細細台客！

故所請擘開目珠金金看，

事實恁清楚：

毋做台灣主人，

到尾死無命！

註

沙鼻：很得意貌

恁樣：如此

仰會：怎會

無彩工：白費心機

（作者為客家詩人）