立委聽無beh按怎？

■張復聚

行政院客家委員會李永得主委佇立法院用伊ｅ母語回答立委ｅ問題， 清楚表示台灣母語嘛會使得做官方語言來討論國家大事，會當提升台灣母語地位，拯救滯佇加護病房 ｅ母語，符合二○○一年ＵＮＥＳＣＯ（聯合國教科文組織）主張「文化多樣性宣言」ｅ原則， 值得肯定及鼓勵！

這個宣言認為語言多樣性及文化多樣性攏是人類共同遺產。文化多樣性對人類來說，就親像生物多樣性對維持生態平衡仝款未當欠缺。原住民主委嘛應該按呢做。Holo（福佬）人無Holo委員會（足奇怪），若有，主委當然就照做。若是立委聽無beh按怎？放心，咱台灣甚物攏欠，干乾「錢多多」， 拜託設置同步翻譯機就解決啦！

民進黨ｅ立委若反對，後擺選舉拜託mai閣用恁ｅ母語騙票啦！（作者為醫師、高雄醫界聯盟會長、高雄醫學大學台語文教師）