一中大橋

■陳寧貴

宋胡煞猛搭橋，

搭麼介橋？

搭兩岸一中大橋，

這橋，直直欲透到奈位去？

這係恩藍綠共識，

中華民國，

係主權獨立國家，

係分台灣人民，

尊嚴安居介所在！

逐儕愛問：

兩岸一中底背，

還有中華民國存在無？

假使連一中各表空間，

都尋毋到介時節，

台灣人民面目佇奈位？

該片緊變緊騙，

無論橋仰般搭，

一中大橋做得盡遠看看定，

台灣人敢會斷真行過去？

搭橋！搭橋！

無搭無碓。

搭毋到天邊，

先碾到腳邊玫瑰！

※註：

煞猛：努力

欲：voi，將

透到奈位：通到那裡

逐儕：大家

底背：裡面

做得：可以

盡遠看看定：遠遠的看看罷了

敢會斷真：豈會真的

無搭無碓：難起回響

（作者為客家詩人）