桐花樹下-英九中興

■陳寧貴

又圓又滑王金平，

奉行老二哲學路線最精靈，

尊老敬賢排列排後背，

前面係蔣經國連戰宋楚瑜，

囥到毋見王院長。

一馬當先馬英九，

奉行自家獨門研發：

清新改革英九中興路線，

大聲吆喝帶頭打天下，

泛藍大軍跈佢走透透，

三十七萬馬奔騰壓境！

二百零粒星仔暗無光，

大老小老遽遽閃一片！

連戰苦心勸英九：

愛「療傷止痛停止抱怨」

事實英九無傷無痛無怨，

燒滾滾馬「真正主席」

愛將這句至理名言，

送還冷肅肅連「榮譽主席」：

汝自家好好哇用！

王馬仰般共治？

馬行頭前王跈後背勘皮包？

台灣國會龍頭王義工，

斷真還欲再做圓滑老二？

註：

囥：kong，藏

跈：ten，跟隨

仰般：如何

勘：kan，借音字，提

斷真：絕對真實

（作者為客家詩人）