桐花樹下--台灣水果

■陳寧貴

台灣水果，

外貌盡靚，味道最湛，

台灣水果，

毋單淨係台灣水果，

台灣水果，

乜係台灣人善良介心。

阿共仔愐出零關稅妙計，

愛收買台灣水果，

佢收買介台灣水果底肚，

台灣民心佇該熱烈停動！

台灣水果出走大陸，

台灣人善良介心，

係毋係會跈出去？

係毋係會今晡日食人一口，

天光日還人一斗？

請扁政府愛遽遽，

愐出比阿共仔較妙妙計，

為台灣水果，

尋出路賣好價錢，

正毋會分台灣人善良介心，

行叉去迷濛路！

註：

毋單淨：不祇是

乜係：也是

愐出：想出

停動：騷動

跈出去：跟隨出去

今晡日：今天

天光日：明天

（作者為客家詩人）