〈桐花樹下〉台灣問答

陳寧貴

連主席山中問答無稀奇，

李白下江陵正生趣，

兩岸大猴做猴戲，

搣古搣怪傷自家元氣，

請汝擘開金金目珠，

汝看！汝看！

台灣輕舟已過萬重山咧！

問余何意，笑而不答，

係心自閒抑係心鬱卒？

桃花流水，別有天地，

毋係去非人間，

事實係別有目的。

揮一揮衫袖，

毋帶走一片抗爭反扁雲彩，

談笑間怨恨難飛灰煙滅，

就算汝等全部人毋同意，

千山我共樣獨行！

難怪連主席介李白，

比水扁兄介李白，

意境高啊！

拜託下二擺大家喊我：

台客第一名！

註

搣古搣怪：翻雲覆雨

擘開：睜開

金金目珠：雪亮眼睛

下二擺：以後

共樣：依舊

（作者為客家詩人）