桐花樹下--大扁治水

■陳寧貴

走了馬莎風颱，

來了政治風颱，

毋知奈介好運大官人，

烏紗帽欲被吹落來？

石門水庫上游濫墾濫伐，

水土仰會有法度保持？

大量泥沙滾滾沖下，

四十歲老水庫一肚司苦水。

水庫水混混，

百姓心濁濁，

缺水無水，有水也無水！

藍綠雙方，中央地方，

還佇該比賽歕又混又濁口水！

總統遽遽帶大官來視察講：

要限時分水青青，

水無青行政院長有相關！

院長皮弓狠狠，

毋敢轉屋家睡目，

好在暗晡頭電火球來照路，

佢歇佇桃園督軍講：

我毋好乜係總統選差人。

治水！治水！

毋係治皮面，

毋係治一時。

有人亂糝講：

大扁治水，

順續治跛腳，敢有影？

註：

奈介：那個

石門水庫： 建於1964年6月

仰會：怎會

一肚司：一肚子

轉屋家：回家

電火球：民進黨蘇主席

（作者為客家詩人）