好厲害的紅火蟻！

■林文

（台語發音）

紅色火蚼蟻，（蚼ㄍㄠ蟻：螞蟻）

近來蓋出名；

報紙頭條刊這大，

台灣四墎有影隻。（四墎：四處）

伊趖甲滿田，（趖ㄕㄜ：緩慢前行）

伊爬甲滿埕；

若無處理歸山坪，

關係財產佮生命。（佮ㄍㄚ：和）

毋是咧風聲，（毋是：不是）

嘛無咧膨影；（膨影：誇張）

林口鶯歌台北城，

桃園嘉義尚頭疼。

一件擱一件，（擱：又）

乎人著青驚；（青驚：驚惶失措）

問題鬧甲非常大。

紅色火蚼蟻，

真毒擱真赤；（赤：兇悍）

咬到會癢嘛會疼，

嚴重發燒緊注射，（注射：打針）

恐怖紅火蟻，

歸蜅刺颺颺；（歸蜅ㄅㄨ：整群。颺颺：可怕的樣子）

土內做 生湠子，（ ㄒㄧㄡ：巢穴。湠：繁殖）

偌來偌儕變成精。（偌儕ㄋㄚㄐㄧㄝ：愈多）

是誰進口紅火蟻？

是飛稜機載來這！（飛稜機：飛機）

是過鹹水私設營！

什麼攏總食，（攏總：全部）

講來真討厭，

去乎爬上頭殼額，（頭殼額：額頭）

咱就無位通好踦。（踦：站立）

拄著紅火蟻，（拄ㄉㄨ：遇）

毋通家己掠；（家己掠：自己抓）

覅甲震動稍閃避，（覅ㄇㄞ：不要）

報乎官廳來知影。（知影：知情）

火蟻無算啥？（算啥：算什麼）

送伊落油鼎。

淘乎斷種無火蟻，（淘ㄊㄠ：放毒餌）

徹底消滅無半隻。

火蟻真韌命，

有法除幾成？